Draco Malfoy með kærustunni - myndir

Tom Felton, sem lék Draco Malfoy í kvikmyndunum um ævintýri Harry Potter, á sér mýkri hlið en hann sýndi í hlutverki Malfoy.

Tvítugi leikarinn vakti athygli þegar hann mætti uppáklæddur á frumsýningu kvikmyndarinnar The Dark Knight í Lundúnum um helgina með ónefnda unga konu sér við hlið.

Frumsýningarhelgi The Dark Knight lauk með þvi að myndin sló met Spiderman 3 frá því í fyrra yfir aðsóknarmestu opnunarhelgi sögunnar. Helgin skilaði 155.34 milljónum dollara í kassann hjá Warner Brothers en fyrra metið var 151.1.