Pabbi Pennants selur blaðamanni eiturlyf

Breska götublaðið News of the world er þekkt fyrir allt annað en ófrumleika í fréttaflutningi sínum. Forsíða blaðsins í dag er tileiknuð föður knattspyrnukappans Jermaine Pennant sem leikur með Liverpool.

Blaðið sendir blaðamann í íbúð pabbans sem heitir Gary Pennant til þess að kaupa eiturlyf. „Þetta er mjög góður skí**r. Prófaðu bara sjálfur. Láttu mig vita ef þú þarft eitthvað meira, þú ert í góðum málum," segir pabbinn við blaðamanninn þegar hann nær í efnin.

Gary virðist sjálfur forfallinn fíkill. Þannig varð blaðamaðurinn vitni að því þegar vændiskona fékk sér héróín en Gary notaði síðan sjálfur sömu sprautu og stúlkan. „Gary selur bestu efnin hérna í hverfinu, ef þig vantar heróín þá er hann þinn maður," sagði önnur vændiskona sem blaðamaður hitti frammi á gangi.

Á vefsíðu blaðsins má einnig sjá myndband af viðskiptunum en blaðamaðurinn var með falda myndavél þegar henn gerði viðskiptin. Fréttina og myndbandið má sjá hér.