Ólöf vill að borað sé fyrir fleiri jarðgöngum

Menn þurfa að bora miklu meira, segir Ólöf Nordal, varaformaður samgöngunefndar Alþingis, sem telur að gefa verði í við jarðgangagerð um land allt.

Austfirðingar freista þess að halda síðasta risabornum við Kárahnjúka eftir í landinu og vilja fá hann til að bora veggöng á Miðausturlandi. Til þess þarf fulltingi stjórnvalda.

Sem varaformaður samgöngunefndar er Ólöf helsti talsmaður Sjálfstæðisflokksins í samgöngumálum. Hún vill sjá breyttar áherslur við endurskoðun samgönguáætlunar.

Hún segir jarðgöng styrkja innviðina, samfélagið verði miklu betra og þau séu ótvírætt hagur fyrir efnahagslífið.