Rót byggðavanda Vestfjarða vegna fólksflótta kvenna

Rót byggðavandans á Vestfjörðum sem og annars staðar er að erfiðlega gengur að halda konum á svæðinu. Þetta segir Dofri Hermannsson, framkvæmdastjóri þingflokks Samfylkingarinnar. Hann segir lausn vandans felast í að koma til móts við þarfir kvenna.

Þetta kom fram í máli Dofra á fundi græna netsins um hugsanlega olíuhreinsunarstöð á Vestfjörðum. Dofri byggði mál sitt á upplýsingum sem hann fékk hjá Hagstofu Íslands. Samkvæmt þeim þá flytja fleiri konur en karlar af landsbyggðinni til höfuðborgarsvæðisins. Dofri sagði lausn byggðavandast felast í því að finna út hvers vegna svo sé og hvernig hægt sé að sporna gegn því að konur flytjist á brott. Hann sagði einkennandi fyrir umræðufundi um byggðamál að þá sækja nær eingöngu karlar.

Dofri benti á að samkvæmt könnunum þá væri afgerandi munur á afstöðu kynjanna til stóriðju, konur eru ekki eins hlynntar henni og karlar.

Tölur Hagstofunnar sýna einnig segir Dofri að konur starfi síður við iðnað en karlar. Þær eru hins vegar í meirihluta þeirra sem starfa í þjónustugeiranum, við skrifstofustörf, eru sérmenntaðar og þær meirihluti sérfræðinga