Vonast til að málefni REI séu komin í farsælan farveg

Góð samstaða og sátt náðist um REI á fundi stjórnar Orkuveitunnar í kvöld um málefni REI náðist. Á fundinum var einróma samþykkt ályktunartillaga. Með samþykkt tillögunnar vonast stjórn Orkuveitu Reykjavíkur til þess að málefni REI séu komin í farsælan farveg.

Í tillögunni segir að meginhlutverk Orkuveitu Reykjavíkur sé að tryggja Reykvíkingum og öðrum notendum á heimamarkaði góða þjónustu á sem bestu verði. Dótturfélagið REI hafi verið stofnað til þess að sinna fjárfestingar-, þróunar- og ráðgjafarverkefnum erlendis. Með því að finna útrásinni farveg í REI, skapast möguleiki eigi að nýta þau verðmæti sem felist í orðspori Orkuveitunnar, þekkingu og reynslu starfsmanna um leið og áhætta OR af útrásarverkefnum sé takmörkuð.

„REI hefur fjölmörg jarðhitaverkefni til skoðunar í ýmsum löndum og á fjölþættum sviðum. Til að undirbúa framtíðarstefnumótun REI, beinir stjórn OR því til stjórnar REI að unnin verði úttekt á verkefnum REI, sem nái til

· áfallins kostnaðar

· eðlis og umfangs

· fjárfestingarþarfar

· mögulegra trygginga og annarra leiða til að lágmarka áhættu einstakra verkefna.

Einnig verði gerð grein fyrir mögulegri aðkomu fjárfesta og lánastofnana að einstökum verkefnum," segir í tillögunni.