Aniston vildi helst vera Oprah

Þó svo að Jennifer Aniston þyki af mörgum nánast fullkomin þá á hún sér drauma eins og aðrir og myndi helst vilja vera sjónvarpsstjarnan Oprah Winfrey ef hún mætti skipta í einn dag. Í viðtali við Harper's Bazar segist hún líka geta hugsað sér að vera Bondstúlka og ef hún ætti að starfa fyrir ríkisstjórnina myndu hún helst vilja gegna hlutverki njósnara. „Draumur minn er að vera mjög glæsilegur njósnari sem spilar póker og á í ástarsambandi við Daniel Craig. "

En þegar Aniston var dregin niður á jörðina og spurð út í hversdagslífið sagðist hún vera að velta því fyrir sér að flytja aftur til New York. „Ég er orðin þreytt á Los Angeles. Það er aðeins meiri friður fyrir ljósmyndurum í New York þar get ég satt að segja gengið nokkra metra án þess að einhver angri mig."