Britney vill forræði með Kevin

Bandaríska söngkonan Britney Spears freistaði þess fyrir dómstóli í Kaliforníu í gær að fá aftur forræði yfir börnunum sínum tveimur. Þau nú eru hjá fyrrverandi manni hennar Kevin Federline.

Britney hefur hins vegar umgengnisrétt. Söngkonan ók að dómshúsinu í hvítum Mercedes Benz.

Réttarhaldið tók þrjá klukkutíma, en ekki er gert ráð fyrir dómsorði fyrr en á þriðjudag. Þegar fréttamenn spurðu hana hvernig hefði gengið í réttarsalnum hrópaði hún ókvæðisorð að þeim.

Dómarinn hafði áður bannað Britney Spears að umgangast börn sín vegna mikillar fíkniefnaneyslu hennar, en leyfði henni síðar að hitta þau undir ströngu eftirliti.