Reese Witherspoon og Jake Gyllenhaal eru par

Reese Witherspoon og Jake Gyllenhaal hafa loksins viðurkennt að þau séu par. Miklar vangaveltur hafa verið í slúðurpressunni um samband leikaranna eftir að þau kynntust við tökur á myndinni Rendition.

Það fór hinsvegar ekkert á milli mála hvers eðlis sambandið var þegar sást til þeirra haldast í hendur og faðmast í rómantískri ferð í Róm á dögunum.

Parið tók saman í mars síðastliðnum en Witherspoon, sem skildi formlega við fyrrverandi eiginmann sinn og barnsföður Ryan Philippe fyrr í mánuðinum, hefur hingað til neitað að eiga í sambandi við Gyllenhaal.