Fingraför tekin af Britney

Britney Spears mætti í gær á lögreglustöð í Los Angeles þar sem henni var birt kæra í tengslum við umferðaróhapp sem hún varð valdur að þann sjötta ágúst síðastliðinn. Spears er gefið að sök að hafa keyrt á kyrrstæðan bíl á bílastæði en látið sig síðan hverfa. Ljósmyndarar sem fylgdu henni eftir náðu myndum af atvikinu.

Lögreglumaðurinn Mike Lopez sagði í yfirlýsingu vegna málsins að Spears hafa mætt á lögreglustöðina klukkan níu á mánudagsmorgun og farið 45 mínútum seinna. Fingraför voru tekin auk þess sem söngkonan var mynduð. „Hún var mjög samvinnufús og gerði það sem ætlast var til af henni, sagði Lopez."