Forseti Íslands til Rúmeníu

Forseti Íslands Ólafur Ragnar Grímsson mun á morgun þriðjudaginn 18. september halda í opinbera heimsókn til Rúmeníu. Heimsóknin stendur dagana 19.-20. september og er þetta er í fyrsta skipti sem forseti Íslands fer í opinbera heimsókn til Rúmeníu. Á undanförnum árum hafa myndast allmikil tengsl milli landanna og viðskipti þeirra farið vaxandi.

Í fylgd með forseta verða Björgvin G. Sigurðsson viðskiptaráðherra og embættismenn frá utanríkisráðuneyti, viðskiptaráðuneyti og skrifstofu forseta. Einnig fylgir forseta í ferðinni til Rúmeníu fjölmenn viðskiptasendinefnd skipuð fulltrúum um 25 fyrirtækja og hefur Útflutningsráð annast skipulagningu ferðar hennar.