Vilja að kjör aldraðra og öryrkja séu leiðrétt

Heilbrigðis- og félagsmálaráðuneytunum hefur í dag borist fjöldi tölvupósta þar sem skorað er á íslensk stjórnvöld að leiðrétta þegar í stað kjör öryrkja og aldraðra til samræmis við íslenskan veruleika. Tilefni póstsendinganna er veikindi tveggja kvenna með ólæknandi krabbamein sem búa við tekjuskerðingu vegna veikinda sinna.

Þórdís Tinna Aðalsteinsdóttir er þrjátíu og átta ára kona sem þjáist af ólæknandi lugnakrabba. Hún og ein þeirra sem stendur á bak við tölvusendingarnar. Hún segir þau kjör sem örkyrkjar búa við bág og mikilvægt að stjórnvöld bæti þau.

Þórdís greindist með ólæknandi krabbamein á síðasta ári. Til að byrja með fær fólk sem veikist veikindadaga greidda hjá atvinnurekanda sínum, þegar þeir dagar eru búnir fær fólk bætur frá stéttarfélögum sínum í nokkra mánuði en að því loknu þurfa þeir að lifa örorkubótum frá ríknu. Þórdís Tinna fær slíkar bætur en hún fær nú 95 þúsund krónur á mánuði.

Þórdís segir ekki aðeins mikilvægt að bætur öryrkja séu hækkaðar heldur þurfi líka að koma meira til móts við fólk á meðan á veikindum þeirra stendur. Sjálf þurfti hún að greiða hundrað og áttatíu þúsund krónur í rannsóknar og fleira þegar hún greindist fyrst.

Læknar hafa sagt Þórdísi að sá tími sem hún á eftir ólifað sé ekki endilega talinn í árum heldur frekar í mánuðum. Sjálf neitar hún að trúa því en segir erfitt fyrir fólk að þurfa að hugsa um fjármál og bætur þegar fólk eigi að vera einbeita sér að því að lifa.

Hún vonar að tölvupóstarnir sem sendir voru á heilbrigðis- og félagasmálaráðuneytin í dag vekji ráðherrana til umhugsunar um kjör öryrkja.