Auglýsingin er nútímatrúboð

Ný auglýsing Símans, þar sem síðasta kvöldmátíðin er endurgerð, er smekklaus að mati biskups Íslands. Á biskupsstofu er spurt hvort ekkert sé heilagt lengur. Jón Gnarr, höfundur auglýsingarinnar, segir um nútímatrúboð að ræða.

Auglýsingin sem er frá Símanum birtist í sjónvarpi í gær. Verið er að auglýsa myndsíma og sagt að hann breyti sögunni. Í auglýsingunni sést Jesús að snæðingi með lærisveinum sínum. Þegar hann uppgötvar að Júdas er ekki við borðið hringir hann í hann og með hjálp myndsímans kemst hann að því að Júdas er svíkja hann og þar með breytist sagan.

Jón Gnarr er höfundur auglýsingarinnar og hann segir viðbrögðin koma sér á óvart. Hann hafi rætti við biskup áður en hann gerði auglýsinguna. Hann segir um nútímatrúboð að ræða og auglýsingin sé listaverk.

Forsvarsmenn Símans sögðu í dag að auglýsingin yrði ekki tekin úr birtingu.