Strokupilta enn leitað

Ekkert hefur enn spurst til piltanna tveggja sem struku frá meðferðarheimilinu Bergi í Aðaldal að kvöldi síðastliðins sunnudags. Talið er líklegt að piltarnir hafi stolið bíl og keyrt til Reykjavíkur. Lögreglan á höfuðborgarsvæðinu í samvinnu við Barnaverndaryfirvöld hefur nú tekið formlega við málinu af lögreglunni á Húsavík.

Samkvæmt upplýsingum frá lögreglunni á Húsavík er talið líklegt að piltarnir séu nú á höfuðborgarsvæðinu. Lögreglan á höfuðborgarsvæðinu hefur því tekið við málinu ásamt Barnaverndaryfirvöldum.

Talið er líklegt að piltarnir, sem báðir eru 15 ára gamlir, hafi stolið ljósblárri Toyota Corolla bifreið sem stóð við Hafarlækjaskóla í Aðaldal. Bifreiðina hafi þeir síðan notað til að keyra til Reykjavíkur.

Lögreglan lýst eftir bifreiðinni í gær en hún er með númerið UT-493.