Felldu tillögu um að kaupa Laugaveg 4 og 6

Tillaga fulltrúa Vinstri - grænna og Frjálslynda flokksins í borgarstjórn um að borgarstjóra yrði falið að leita leiða til að festa kaup á húsunum að Laugavegi 4 og 6 með það fyrir augum að varðveita þau í upprunalegri mynd var felld á fundi borgarstjórnar nú í eftirmiðdaginn.

Átta borgarfulltrúar voru andsnúnir tillögunni, fjórir fylgjandi og þrír sátu hjá. Töluverðar deilur hafa verið um húsin en borgarráð hefur þegar heimilað að húsin verði rifin og nýbygginar reistar á lóðunum tveimur.

Margrét Sverrisdóttir, fulltrúi Frjálslyndra, las upp sameiginlega bókun VG og Frjálslyndra eftir að niðurstaðan lá fyrir. Þar kom fram kom að borgaryfirvöldum bæri að standa vörð um menningarsögu borgarinnar. Húsin sem um ræddi teldust til örfárra 19. aldar húsa sem væru eftir í borginn og með þessu hefðu borgaryfirvöld heimilað niðurrif þeirra.