Dómsmálaráðuneytið bregst við frávísunardómi Hæstaréttar

Dóms- og kirkjumálaráðuneytið mun í samráði við embætti ríkissaksóknara gera viðeigandi ráðstafanir til að bregðast við dómi Hæstaréttar frá því í dag vegna netbankasvindls. Þetta kemur fram í yfirlýsingu frá dóms- og kirkjumálaráðuneytinu.

Hæstiréttur staðfest í dag frávísunardóm Héraðsdóms Norðurlands eystra í máli gegn fjórum mönnum sem ákærðir voru fyrir netbankasvindl. Mennirnir högnuðust um tugir milljónir króna á kerfisvillu í netbanka sem kom til vegna mistaka við forritun. Saksóknari efnhagsbrotadeildar gaf út ákæru í málinu en héraðsdómur komst að þeirri niðurstöðu að hann hefði ekki lagaheimildir til þess.

Í yfirlýsingu frá dóms- og kirkjumálaráðuneytinu kemur fram að í reglugerðarákvæðinu um rannsókn og saksókn efnahagsbrota sé gert ráð fyrir að saksóknari efnhagsbrota fari með sjálfstætt ákæruvald í þeim málum sem falli undir embættið. Hæstiréttur hafi hins vegar komist að þeirri niðurstöður að það sé í andstöðu við lög um meðferð opinberra mála. Því muni dóms- og kirkjumálaráðuneytið í samráði við embætti ríkissaksóknara gera viðeigandi breytingar á reglugerðinni til samræmis við niðurstöðu Hæstaréttar.