Vill að matsmaður meti heilaskaða

Munnlegur málflutningur var í morgun í máli Jóns Péturssonar, dæmds nauðgara, vegna þeirrar kröfu hans að kallaður verði til matsmaður til að leggja mat á sakhæfi hans.

Jón var í apríl síðastliðnum dæmdur í fimm ára fangelsi í Hæstarétti fyrir hrottfengin brot gegn tveimur konum og í júní fékk hann annan fimm ára dóm fyrir að hafa nauðgað og misþyrmt á annan hátt fyrrverandi sambýliskonu sinni.

Að sögn Sveins Andra Sveinsson, lögmanns Jóns, er krafan um matsmann komin fram vegna þess að geðlæknir á Litla-Hrauni fann skaða á framheila sem í sumum tilvikum geti valdið persónuleikaröskun. Þann skaða telur Jón sig hafa fengið í Egyptalandi fyrir átta árum. Sveinn Andri segir því kröfuna um matsmann snúast un sakhæfi Jóns og hefur krafan nú verið lögð í dóm sem fellur innan fárra vikna.