Sýslumaðurinn á Selfossi sorgmæddur

Ólafur Helgi Kjartansson, sýslumaður á Selfossi, segir þau slys sem hafa orðið í umferðinni undanfarið vera mjög sorgleg. Hann segir það vera algert grundvallaratriði að fólk noti bílbelti og viðeigandi öryggisbúnað fyrir börn. Þá segir hann mikilvægt að fólk aki varlega og í samræmi við aðstæður. Fólk verði að virða hraðatakmarkanir og sýna aðgæslu í umferðinni. „Það liggur aldrei svo á að ekki megi bíða með það að taka fram úr," segir Ólafur.

Ólafur segir að sérstaka aðgæslu þurfi að sýna ef byggð er nálægð þjóðvegi og bendir á verslunina Minni-Borg sem dæmi. Hann segir að þessum stöðum fari fjölgandi og þeir séu varasamir. „Þá vil ég segja varðandi þessi slys sem hafa orðið í beygjum, að það er mikilvægt að fólk láti ekki beinu kaflana á vegunum freista sín til þess að aka of hratt," segir Ólafur Helgi.