Forsetabíllinn kannski ekki svo umhverfisvænn

Nýi forsetabíllinn er kannski ekki eins umhverfisvænn eins og verið hefur látið. Í ítarlegri úttekt á bílnum í The New York Times er hann sagður allt annað en það. Vilhjámur Þ. Vilhjálmsson, borgarstjóri og Gísli Marteinn Baldursson, borgarfulltrúi sem nýlega kynntu svokölluð græn bílastæði keyra ekki um á vistvænum bílum.

Á fimmtudaginn í síðustu viku kynnti Reykjavíkurborg að eigendur vistvænna bíla fái ókeypis í bílastæði í Reykjavík í allt að nítíu mínútur í hvert sinn. Við það tilefni mættu borgarstjórinn og formaður umhverfis- og samgönguráðs á vistvænum bílum.

Þeir aka þó hvorugir vistvænum bílum dagsdaglega.

Ekki er langt síðan að forseti Íslands kynnti nýjan umhverfisvænana forsetabíl með tilheyrandi viðhöfn á Bessastöðum. Við það tækifæri sagði hann að hann hefði aldrei valið sér Lexus nema af því að hann er svo umhverfisvænn.

Nýlega birtist hins vegar grein í New York Times þar sem því er haldið fram að Lexus bifreið, eins og sú sem forsetinn ekur á, sé í raun ekki svo vistvæn. Þegar bíllinn sé ekinn hraðar en 50 til 60 kílómetra á klukkustund byrji hann að spúa út koltvísýringu en eftir því sem bílinn er ekinn hraðar þeim mun meira bensíni eyðir hann. Í greininni er því einnig haldið fram að framleiðendur bílsins séu að þyrla ryki í augu neytenda þegar hið sanna sé að díselknúnir bílar eins og Bercedes Bens Dísel E-Class séu í raun vistvænni.

Þá er bara spurning hvort forsetinn aki bíl sínum greitt um götur borgarinnar og knúi þá Lexusinn áfram með bensíni nú eða keyri rólega og verndar umhverfið