Innkallanir líklega ekki margar hér á landi

Egill Jóhannson framkvæmdastjóri Brimborgar segir ólíklegt að margir bílar af þeim tegundum og árgerðum sem Ford bílaframleiðandinn hyggst innkalla séu hér á landi. Ford hyggst innkalla allt að 3.6 milljónir bíla, pallbíla, sendibíla og jepplinga, eftir að galli fannst í rofa sem stýrir sjálfvirkri hraðastýringu.

Rofinn er talinn tengjast brunum sem tilkynnt hefur verið um í vélum bílanna. Innköllunin nær til fjölda tegunda sem framleiddar voru á árunum 1992 til 2004. Þar á meðal eru gerðirnar Ford Explorer og F 150, sem hafa verið seldar hér á landi.

Flestir bílar af þessum tegundum hér á landi yngri en þetta, enda stórjókst innflutningur á þeim upp úr 2004, þegar gengi krónunnar lækkaði.

Egill segir að í tilfellum sem þessum fái umboðið lista frá Ford, með verksmiðjunúmerum þeirra bíla sem á að innkalla. Þeir geri við gallann, og láti eigendum í té bíl til afnota í meðan.