Innlent

Gripin glóðvolg með þýfi

Jón Hákon Halldórsson skrifar

Karl á fertugsaldri og kona á þrítugsaldri voru handtekin í Kópavogi um kvöldmatarleytið í gær en þau höfðu farið ránshendi um tvær verslanir í bænum. Þau stálu bæði fatnaði og tækjum en varningurinn fannst í bíl þeirra, að því er fram kemur í dagbók lögreglunnar á höfuðborgarsvæðinu.

Þá var karl á fimmtugsaldri handtekinn í Austurstræti síðdegis í gær en maðurinn tók hlut ófrjálsri hendi úr verslun við Laugaveg. Hann reyndist jafnframt vera eftirlýstur vegna afplánunar vararefsingar.




Fleiri fréttir

Sjá meira


×