Kjarnafæði innkallar Gamaldags sveitakæfu

Matvælafyrirtækið Kjarnafæði hefur innkallað vöruna Gamaldags sveitakæfa í 250 gramma dósum vegna framleiðslugalla. Fram kemur í tilkynningu frá fyrirtækinu að um sé að ræða vörur með pökkunardagsetningu 6. júlí 2007 og síðasta söludag 26. júlí næstkomandi.

Varan var meðal annars í sölu í Bónusversluninni í Grafarvogi en hefur nú verið tekin úr sölu þar. Í tilkynningu frá Matvælaeftirliti Reykjavíkur er fólk beðið um að kanna hvort það eigi Gamaldags sveitakæfur með áðurnefndum pökkunardegi heima hjá sér og hafa þá samband við Kjarnafæði.