Cameron Diaz og Justin Timberlake rifust í Golden Globe eftirpartýi. Að sögn viðstaddra voru endurfundir þeirra ekkert sérstaklega glaðlegir. Þau eru nýlega hætt saman.
Rifrildið fór fram í veislu hjá Prince sem haldin var á Beverly Wiltshire hótelinu eftir Golden Globe verðlaunahátíðina. Vika er síðan þau tilkynntu sameiginlega að þau væru ekki lengur par.
Það sást fara vel á með þeim fyrr um kvöldið í veislu sem InStyle tímaritið hélt. Þegar Cameron kom að Justin á spjalli við Jessicu Biel í partýinu hjá Prince sauð uppúr.
Haft er eftir People magazine að þau hafi farið saman í hliðarherbergi til að útkljá málið sem endaði með 40 mínútna rifrildi.
