Jennifer Lopez hefur undanfarnar vikur keppst við að neita því að hún og eiginmaður hennar Marc Anthony eigi von á barni. Á tónleikum þeirra hjóna í Connecticut í lok september virtist hún þó einhverju vera að leyna. Hún skipti ört um kjóla og allir voru þeir víðir yfir magann. Í eitt skipti feyktist kjóllinn til og blasti grunsamlega útstæður magi við.
Tímaritið The Sun heldur því fram að söng- og leikkonan muni gefa út yfirlýsingu um þungun sína von bráðar og jafnvel á tónleikum sem haldnir verða í Madison Square Garden á morgun.
Ef satt reynist þá mun þetta vera fyrsta barn Lopez en Anthony á þrjú fyrir. Þau hjónin eru í miðri tónleikaferð sem ber heitið Jennifer Lopez & Marc Anthony En Concierto tour og hefur Lopez eigöngu komið fram í víðum fötum sem kyndir enn undir þær vangaveltur að hún sé með barni.
