Milljarðamæringar fá að rífa hús á Nesinu

Útgerðarmaðurinn Guðmundur Kristjánsson, sem er aðaleigandi Brims, og Jón Sigurðsson, aðstoðarforstjóri FL Group, hafa báðir fengið leyfi til að rífa einbýlishús sem þeir keyptu á Setljarnarnesi og byggja risastórar glæsivillur í þeirra stað.

Bæði Guðmundur og Jón eru vellauðugir þótt þeir starfi á ólíkum vettvangi. Guðmundur er aðaleigandi Brims sem er eitt öflugasta útgerðarfyrirtæki landsins og var eignir hans metnar á 25 milljarða í úttekt tímaritsins Sirkus á ríkustu Íslendingunum í sumar. Jón, sem er aðeins 28 ára, hefur efnast vel í FL Group. Hlutabréf hans í félaginu hafa hækkað mikið á undanförnum misserum og má áætla eig Jóns upp á tæpa tvo milljarða.

Guðmundur býr nú í 340 fermetra einbýlishúsi í Granaskjóli. Hann keypti húsið Marbakka á Nesvegi 107 síðla árs 2005 fyrir 90 milljónir en húsið stendur á stórkostlegri sjávarlóð. Marbakki er nú rúmlega 285 fermetra að stærð en búast má við því að það hús sem Guðmundur hyggst reisa á rústum gamla hússins verði í það minnsta tvöfalt stærra.

Jón Sigurðsson býr ásamt eiginkonu sinni og börnum á rúmlega 160 fermetra hæð á Unnarbraut 17. Hann ætlar því ekki langt þar sem nýja húsið sem hann hyggst rífa er við hliðina. Það er 319 fermetrar að stærð og nýklætt að utan. Frá húsinu er fallegt útsýni yfir sjóinn. Ekki er vitað hvers konar glæsivillu Jón og kona hans hyggjast reisa en ljóst er að húnverður stór.