Kryddstúlkumyndband lak á Netið

Myndband með laginu Headlines (Friendship Never Ends), af nýjustu breiðskífu Kryddstúlknanna er komið á YouTube. Ofurbloggarinn Perez Hilton gefur myndbandinu sjálfu enga toppeinkunn en segir að stúlkurnar líti glæsilega út. Hann dáist sérstakleg af vel þjálfuðum magavöðvum Geris.

Kryddstúlkurnar fimm, Emma Bunton, Mel B, Mel C, Geri Halliwell og Victoria Beckham, komu saman á ný í sumar og munu senda frá Greatest Hits-plötu á næstunni, en á henni verða tvö ný lög. Headlines er annað þeirra. Tímaritið The Sun hafði eftir heimildarmanni sínum að tökur á myndbandinu hefðu dregist fram eftir öllu vegna stjörnustæla í Geri Halliwell, sem fór fram á sérstaka tegund af flöskuvatni og lét tökur sitja á hakanum á meðan hún hugleiddi.

Upphaflega var gert ráð fyrir að myndbandið færi í dreifingu þann 19. nóvember næstkomandi.