Ók á stólpa við Vogaafleggjara

Tvennt var flutt á slysadeild Heilbrigðisstofnunar Suðurnesja í nótt eftir að bifreið fór út af veginum við Vogaafleggjarnann á Reykjanesbraut og hafnaði á vegstólpa. Hvorugur þeirra sem fluttir voru á slysadeild reyndist alvarlega slasaður en bifreiðin skemmdist töluvert.

Þá stöðvaði lögreglan á Suðurnesjum 34 ökumenn í nótt í sérstöku átaki varðandi ljósabúnað á bílum. Flesir ökumannanna voru á eineygðum ökutækjum og fengu þeir áminningu vegna þess.

Þá var ökumaður stöðvaður á Mánagötu í Grindavík fyrir að aka á öfugum vegarhelmingi og að vera með þokuljósin tendruð. Hann var ekki heldur með ökuskírteini sitt meðferðis og verður hann kærður fyrir brotin þrjú.