Hjálmur bjargaði ungum reiðhjólamanni

Reiðhjólahjálmur er talinn hafa bjargað því að ekki fór ver þegar ungur drengur hjólaði ofan í skurð við Kambahraun í Hveragerði í gær. Eftir því sem fram kemur á vef Félags sjúkraflutningamanna í Árnessýslu var drengurinn þó fluttur á Landspítalann í Fossvogi þar sem hann skarst mikið í andliti.

Andlitið lenti á malbiksbrún. Verið er að grafa fyrir hitaveitulögnum í Kambahrauninu og segir á vef sjúkraflutningamanna að merkingar og lokanir í kringum skurðina hafi verið verulega ábótavant. Það er talið hafa átt þátt í slysinu.