Erill hjá lögreglu á Dalvík

Mikið fjölmenni er enn á Fiskidögum á Dalvík. Talið er þar séu nú um 10 til 15 þúsund manns en í gær voru þar upp undir 40 þúsund manns. Mikill erill var hjá lögreglunni á Dalvík í nótt vegna þessa og í morgun var lögregla enn að hafa afskipti af fólki sem var ofurölvi. Um helgina hafa komið upp þrjár líkamsárásir á svæðinu, engin samt alvarleg, og tveir hafa verið teknir fyrir ölvunarakstur. Að öðru leyti hefur helgin gengið vel, þrátt fyrir allan fjöldann sem þar er saman kominn að sögn lögreglu.