Um sautján prósenta ávöxtun

Úrvalsvísitala Kauphallar Íslands hækkaði um 16,9 prósent á fyrsta ársfjórðungi samanborið við 6,5 prósenta hækkun á sama tíma árið 2006.

Janúar var fjörugur mánuður á markaðnum en þá hækkaði vísitalan um 9,9 prósent.

Exista er hástökkvarinn það sem af er ári með um 28,1 prósents hækkun en Kaupþing, Atlantic Petroleum og Landsbankinn hafa jafnframt hækkað um fimmtung eða meira í verði og Straumur-Burðarás um tæp tuttugu prósent.

365 hf., útgefandi Fréttablaðsins, hefur lækkað mest Kauphallarfélaga eða um 25,9 prósent.