Fannst látin í bíl

Kona sem braust inn á heimili bítilsins George Harrison á Hawaii árið 1999, fannst látin í blóði drifnum bíl í Kaliforníu, rétt fyrir jólin. Innbrotið var einni viku áður en ráðist var á Harrison á heimili hans í Lundúnum, og hann stunginn í brjóstið.

Konan, Christin Keleher hafði verið skotin í höfuðið með haglabyssu. Við hlið hennar var maður, Stanley Merchant, sem einnig hafði verið skotinn í höfuðið. Talið er að hann hafi fyrst skotið Keleher og síðan svipt sig lífi.

George Harrison lést úr krabbameini árið 2001, fimmtíu og átta ára að aldri.