Manson skilinn

Dansarinn Dita Von Teese hefur sótt um skilnað við rokkarann Marilyn Manson eftir aðeins eins árs hjónaband. Ástæðan er óásættanlegur ágreiningur. Talið er að þau hafi skilið á jóladag.

Von Teese, sem heitir réttu nafni Heather Sweet, kynntist Manson árið 2001 og giftust þau í kastala á Írlandi í desember 2005. Stjörnur á borð við Keanu Reeves, Lisa Maria Presley og Sharon og Ozzy Osbourne voru viðstaddar athöfnina. Von Teese hefur ekki farið fram á peninga frá Manson vegna skilnaðarins.