„Kælirinn var tekinn í burtu núna í vikunni að beiðni borgarstjórnar,“ segir Þorkell Freyr Sigurðsson, aðstoðarverslunarstjóri í Vínbúðinni í Austurstræti.
Lengi vel var kælir með bjór staðsettur í búðinni. Hann segir þó nokkra hafa nýtt sér þessa þjónustu og þá sérstaklega á sólríkum dögum. „Þetta var lítill heimiliskælir. Sumir vissu af honum og síðan spurðist þetta bara út. Fólk kom og spurði hvort það mætti kíkja í kælinn,“ segir Þorkell Freyr.
Kælirinn sem staðsettur var að baka til er núna kominn niður í kjallara.
