Flestir vilja vera Brangelina

Og hverjir skyldu Bandaríkjamenn helst vilja vera þetta árið? Brad Pitt og Angelina Jolie greinilega. Samkvæmt könnun Captain Morgan/Kelton, eru ,,Brangelina" þær stjörnur sem menn vilja helst vera á hrekkjavökunni í ár.

Fyrir þá sem hugnast það ekki að fara út á lífið með fjögur börn þá má líka leika einhverja af þeim sem voru neðar á lista. Britney og K-Fed, Bill og Hillary Clinton, Bush hjónin og Tom Cruise og Katie Holmes voru öll vinsæl, og svo Beckham hjónin fyrir þá sem hafa marga daga til að sminka sig.