Vinsældir Vísis aukast verulega

Heimsóknir á fréttavefinn Vísi hafa aukist verulega, eða um 7% á milli kannana, samkvæmt niðurstöðu fjölmiðlakönnunar Capacent Gallup fyrir maí til júlí 2007. Sama könnun bendir til þess að heimsóknir á Vísi hafi aukist mun meira en heimsóknir á Morgunblaðsvefinn sem aukast um 2%. 

Konur virðast hæstánægðar með Vísi en lestur meðal kvenna eykst um 10%. Aukningin er mismikil milli aldurshópa en veruleg í aldurshópnum 20 -29 ára. Í þessum aldurshópi eykst lestur um 11% frá síðustu könnun. Mesta aukningin er samt í hópnum 40-49 ára eða um 20% frá síðustu könnun.

BlogCentral.is heldur enn forystu sinni sem stærsta bloggsvæði landsins. Vefsvæðið sýnir mesta yfirburði í aldursflokknum 12-19 ára þar sem 81,9% skoðuðu Blog.Central.is