Íslensk börn á barnaklámssíðu

Myndir af íslenskum börnum má finna á erlendum barnaklámssíðum. Í tenglasafni ákveðinnar rússneskar síðu má finna tengla á myndir af íslenskum börnum, sem hýstar eru á vefsvæði Barnalands. Notendur Barnalands voru varaðir við þessu á spjallþræði á vefnum í gær.

Á Barnalandi geta foreldrar búið til síður fyrir börnin sín, og sett inn myndir af þeim. Ef síðunni er ekki læst getur einhver óprúttinn komist í myndirnar og birt þær á vafasömum síðum, eins og gerðist í þessu tilfelli. Ekki náðist í Þór Sigurðsson, forsvarsmann Fronts ehf. sem rekur Barnaland, í gær.