Britney og Paris verst klæddar

Britney Spears og Paris Hilton voru jafnar í efsta sæti á lista tískumógúlsins Mr. Blackwell yfir verst klæddu stjörnu heims.

Sagði hann fatnað Spears og Hilton vera án nokkurs klassa og í engu samræmi við tískuna.

Í ððru sæti á listanum var Camilla Parker-Bowles, eiginkona Karls Bretaprins. Mr. Blackwell líkti henni við konunglegt tískuslys og sagði að hattarnir hennar væru hryllilegir og ættu heima langt aftur í fornöld.

Leikkonan Lindsay Lohan lenti í þriðja sæti og á eftir henni kom söngkonan Christina Aguilera. Fleiri sem komust á listann voru Mariah Carey, Paula Abdul, Sharon Stone, Tori Spelling, Sandra Oh úr Grey"s Anatomy og Meryl Streep. „Maður gæti grátið vegna Streep," sagði Blackwell. „Ekki er hægt að neita fallegum ferli hennar en fötin hennar eru ekki eins fögur sjón."

Blackwell var þó jákvæður gagnvart tíu öðrum stjörnum sem allar hafa að hans mati frábæran og sjálfstæðan fatasmekk: Kate Winslet, Angelina Jolie, Helen Mirren, Barbra Streisand, Beyoncé Knowles, Nancy Pelosi, Karólína prinsessa af Mónakó, Heidi Klum, Katie Holmes og Marcia Cross falla í þann flokk.