Bað fatafellur afsökunar

Ungstirnið Lindsay Lohan hefur beðið allar fatafellur heimsins afsökunar eftir að upp komst að hún kallaði þær hórur í tölvupósti sem lak til fjölmiðla. Bréfið skrifaði Lohan í desember eftir að hafa sótt námskeið í súludansi í þeim tilgangi að æfa sig fyrir hlutverk nektardansmeyjar.

Til merkis um iðrun fór Lohan út á galeiðuna með nokkrum nektardansmeyjum á fimmtudag og sagði ljósmyndurum að hún héldi mikið upp á konur í þessum bransa. „Ég elska fatafellur,“ lét Lohan meðal annars hafa eftir sér og ein fatafella sagði að Lohan skæri ekki við nögl í þjórfénu.