Hótar vinkonu lífláti

Breska söngkonan Kerry Katona, fyrrverandi eiginkona Westlife-söngvarans Brians McFadden, hefur hótað áður bestu vinkonu sinni Michelle Hunter lífláti. Hunter hefur ekki verið vinsæl hjá Katona eftir að hún sagði frá eiturlyfjanotkun söngkonunnar.

Á dögunum sendi Katona henni því tölvupóst þess efnis að hún ætlaði að brenna Hunter inni í bíl hennar. Talsmaður Katona viðurkenndi fyrst að hún hefði haft í hótunum, en dró sögu sína til baka rúmum klukkutíma síðar. Lögregla rannsakar málið, svo frekari frétta ætti að vera að vænta bráðlega.