Gáfu eftirstöðvar bílasamnings

Lýsing fagnaði 20 ára afmæli sínu í september í ár og hefur staðið að ýmiss konar uppákomum í tilefni þess. Meðal annars voru allir þeir sem gengu frá bílasamningi við Lýsingu frá 18. september til 1. október settir í afmælislukkupott. Á þessu tímabili tvöfaldaðist umsóknarfjöldi bílasamninga Lýsingar og því margir sem bitust um vinninginn.

Þann 5. október var dregið úr pottinum og var það Elín Óskarsdóttir sem hreppti vinninginn. Hún gekk frá bílasamningi við Lýsingu þann 29. september þegar hún festi kaup á Renault Megane. Lýsing greiddi upp allan samninginn og á hún því bifreiðina skuldlausa í dag.