Köttur sveltur í nokkrar vikur

Maður á fertugsaldri var í gær dæmdur í Héraðsdómi Vesturlands fyrir brot á dýraverndunarlögum í febrúar á síðasta ári.

Maðurinn skildi eftir kött, án nokkurs eftirlits, í íbúð sinni svo vikum skipti án þess að tryggja dýrinu fóður né aðgang að vatni. Lögreglan fann köttinn í íbúðinni og var hann þá beinhoraður og í mjög slæmu ástandi, eins og segir í lögregluskýrslunni.

Manninum var gert að greiða fjörutíu þúsund krónur í sekt ella sæta fjögurra daga gæsluvarðhaldi.