Lét lagfæra brjóstin

Adrianne Curry, fyrsti vinningshafinn úr þáttaröðinni America’s Next Top Model, er íðilfögur en greinilega ekki alveg fullkomin. Fyrirsætan greindi nýlega frá því að hún hafi farið í brjóstastækkunaraðgerð.

Það var þó ekki hefðbundin aðgerð, því fyrirsætan segist hafa þurft að jafna stærð brjósta sinna. Hún hafi alltaf verið með misstór brjóst, annað heilum tveimur skálastærðum minna en hitt, og viljað samræma stærðina. Curry gekkst undir aðgerðina fyrir þremur vikum, og segir læknana hafa þurft að gera nokkrar tilraunir til að ná réttri stærð.