Umkringd stórstjörnum

Birgitta Sigursteinsdóttir gerði Vísi að upphafssíðu sinni og datt heldur betur í lukkupottinn þegar hún var dregin út og vann ferð til London á frumsýningu Eragon.

"Þegar við lentum þá beið eftir okkur bílstjóri með nöfnin okkar á spjaldi. Hann keyrði okkur frá Standsted flugvellinum til London á hótelið okkar,

Cumberland við Marble Arch, herbergið á hóltelinu var rosalega flott eins og hótelið sjálft". Birgitta sem hafði aldrei komið áður til London fór aukahring um borgina með sérlega liðlegum bílstjóra á afar glæsilegum bíl. Þegar hún kom á hótelið voru henni afhentir miðarnir á frumsýninguna og eftirpartýið þar sem höfundur sögunnar, leikstjórinn og allir helstu leikararnir voru saman komnir vegna myndarinnar.

Frumsýningin fór fram í Odeon kvikmyndahússinu við Leicester Square. "Þetta er ein sú magnaðasta aðkoma sem ég hef á ævi minni séð og eigum við aldrei eftir að gleyma þessu. Allt Leicester Square var undirlagt glæsileika og var svæðið afgirt. Þúsundir aðdáenda biðu við girðinguna og höfðu sumir beðið allan daginn til að eiga meiri möguleika á

að fá áritanir. Kastarar lýstu upp himnin, eldtungur og drunur heyrðust, ásamt drungalegri tónlist úr myndinni. Það var þvílíkt gaman að fá að ganga eins og stjörnunar á rauða dreglinum niður götuna og inn í kvikmyndahúsið".

Áður en sýningin hófst komu allir aðalleikararnir ásamt höfundinum og leiksjóranum, Stefen Fangmeier inn á sviðið og sjónvarpsfréttakona spjallaði við þá um myndina og gerð hennar, tilhlökkun og líðan.

Myndin var mjög góð og fær hún nánast fullt hús hjá okkur sagði Birgitta eftir ferðina.

Veislan eftir myndina var í The Royal Courts of justice á the Stand í London. Tekið var á móti gestum með heitu súkkulaði út undir berum himni þrátt fyrir að hiti væri yfir 10 stig en leikarar höfðu kvartað yfir kulda á leiðinni inn.

"Erfitt var að nálgast leikarana fyrir æstum aðdáendum en við höfðum þegar séð þá alla í kvikmyndahúsinu nokkru áður og vorum hæstánægðar með það. Þó urðum við rosalega heppnar vegna þess að við náðum að tala stutta stund við höfundinn, Christopher Paolini, sem var undrandi að við kæmum alla leið frá Íslandi til að sjá myndina og virtist hann vita þónokkuð um Ísland. Christopher Paolini var aðeins 15 ára þegar hann skrifaði Eragon og er í dag 19 ára, svo leyfði hann okkur að taka mynd af mér og sér saman. Eftir þetta hitti ég Jeremy Irons, hann var æðislegur við mig og fengum við einnig mynd af okkur saman".

Þetta gat varla orðið glæsilegra sagði Birgitta hæstánægð með ferðina og sér sjálfsagt aldrei eftir því að hafa gert Vísi að upphafssíðu á sinni tölvu.