Jólaskógurinn verður opinn næstu helgar

Skógræktarfélag Reykjavíkur býður öllum að koma í Heiðmörk og sækja sér jólatré. Skógurinn er allur opinn en þar vex stafafura sem er barrheldið og fallegt tré sem ilmar vel. Fólk velur sér sitt eigið tré sem passar í stofuna og er sama verð á trjánum óháð stærð.

Kveiktur verður eldur og sköpuð stemmning. Síðari helgina mæta jólasveinar á svæðið og bjóða öllum uppá kakó og smákökur.

Jólaskógurinn er opinn helgina 9. og 10. desember en þá er tekið á móti fólki við Hjallabraut

Helgina 16. og 17. desember verður tekið á móti fólki í Hjalladal. (sjá mynd) Opið er meðan dagsbirtu gætir eða 11:00-15:30.