Útvarp Akranes i 18. sinn

Skemmtileg hefð hefur skapast á Akranesi fyrstu helgina í desember ár hvert. Þá er starfrækt í bænum Útvarp Akranes FM95,0 til styrktar hinu öfluga starfi Sundfélags Akraness. Tekna er aflað með sölu auglýsinga en fyrirtæki og stofnanir bæjarins hafa verið mjög dugleg að minna á sig fyrir jólavertíðina eða senda bæjarbúum jólakveðjur.

Undanfarin ár hefur hinn góðkunni útvarpsmaður og Skagamaður, Ólafur Páll Gunnarsson verið sundfélaginu innan handar og staðið vaktina á meðan á útsendingu stendur en einnig hafa bæði þekktir og óþekktir dagskrárgerðarmenn komið við sögu. Meðal efnis í ár má nefna þátt um Dúmbó og Steina, 50 ára afmæli Landmælinga Íslands, viðtal við Guðjón Þórðarson og þætti í umsjón 5. bekkinga grunnskólanna á Akranesi.

Útvarp Akraness er í loftinu frá kl. 15:00 föstudaginn 1. des. - 18:00 sunnudaginn 3. des.