Dowie hættur hjá Charlton

Enska úrvalsdeildarfélagið Charlton hefur tilkynnt að Ian Dowie knattspyrnustjóri hafi sagt starfi sínu lausu. Þetta kemur fram á heimasíðu félagsins í kvöld, en frekari yfirlýsingar er að vænta í fyrramálið.

Liði Charlton hefur gengið afleitlega undir stjórn Dowie það sem af er leiktíðinni og vann liðið aðeins 2 af 12 fyrstu leikjum sínum í deildinni undir hans stjórn. Íslenski landsliðsmaðurinn Hermann Hreiðarsson er fastamaður í liði Charlton, sem situr í botnsæti deildarinnar. Dowie er fyrsti knattspyrnustjórinn sem tekur pokann sinn í ensku úrvalsdeildinni í vetur.