Fjármálaráðherra ætlar að leiðrétta vaxtabætur

Greiddar vaxtabætur lækka um 700 milljónir milli ára vegna hækkunar á fasteignamati um 35% á árinu 2005 og hærri tekna einstaklinga. Um 10 þúsund færri einstaklingar fá greiddar vaxtabætur í ár en í fyrra, en framteljendum fjölgar þó um 2,9% milli ára.

Jóhanna Sigurðardóttir segir Samfylkingarmenn hafa krafist þess í vor að lögum yrði breytt til að koma í veg fyrir skerðingu á bótum til íslenskra heimila. Ef leiðrétting á vaxtabótum dregst fram á haust finnst Jóhönnu eðlilegt að endurgreiðslan verði greidd með dráttarvöxtum.