Bændur byggja fjárhús á ný

Sauðfjárbændur eru komnir í sóknarhug og farnir að byggja fjárhús á ný. Stöðug aukning lambakjötsneyslu innanlands veldur því að bestu markaðir erlendis eru í hættu vegna kjötskorts. Á Barðaströnd er á einum bæ verið að stækka fimmhundruð kinda bú upp í áttahundruð.

Bændurnir á Innri-Múla á Barðaströnd státa af því að reka fjórða afurðamesta fjárbú landsins. Bræðurnir Barði og Ásgeir Sveinssynir eru nýteknir við búrekstrinum af foreldrum sínum og það er engan bilbug á þeim að heyra. Þar er verið að grafa fyrir grunni nýs 500 fermetra fjárhúss. Nýju bygginguna ætla bræðurnir að taka í notkun í september um leið og þeir stækka búið um sextíu prósent.

Bændurnir á Innri-Múla á Barðaströnd státa af því að reka fjórða afurðamesta fjárbú landsins. Bræðurnir Barði og Ásgeir Sveinssynir eru nýteknir við búrekstrinum af foreldrum sínum og það er engan bilbug á þeim að heyra. Þar er verið að grafa fyrir grunni nýs 500 fermetra fjárhúss. Nýju bygginguna ætla bræðurnir að taka í notkun í september um leið og þeir stækka búið um sextíu prósent.

Skilaverð til bænda hækkaði í fyrra um ellefu prósent og í haust vonast þeir til að fá aðra eins búbót. Vestfirðir þykja eitt besta sauðfjárræktarsvæðið og þar vex úr grasi tíunda hver kind hérlendis, þótt í fjórðungnum búi aðeins sex prósent af bændum landsins. Nú þegar kindakjötsfjöll eru uppétin er helsta áhyggjuefni bændaforystunnar að geta vart lengur sinnt bestu útflutningsmörkuðum, þar sem innanlandsmarkaðurinn, sem gefur besta verðið, vill stöðugt meira meðan framleiðslan hefur staðið í stað.