Segir gagnrýnina óverðskuldaða

Rúnar Árnason framkvæmdarstjóri Landsflugs telur gagnrýni bæjaryfirvalda í Vestmannnaeyjum óverðskuldaða en mikil óánægja hefur verið þar á bæ með sjúkraflug eftir að fyrirtækið Landsflug tók við því.

Bæjaryfirvöld í Vestmannaeyjum hafa greint frá því að þau vilji ekki undir neinum kringumstæðum að heilbrigðisráðuneytið semji aftur við Landsflug, verði séð ástæða til bjóða flugið út á ný.

Starfsmenn heilbrigðisráðuneytisins eru að leggja lokahönd á úttekt á því hvort flugfélagið Landsflug hafi efnt samninga sína við ráðuneytið um sjúkraflug frá Vestmannaeyjum. Tilefni úttektarinnar var það að ítrekað hefur komið fyrir að sjúkravél frá félaginu hefur ekki verið í Eyjum þegar þurft hefur á að halda en í samningum sem gerður var við landsflug er ákvæði sem felur í sér að sjúkraflugið skuli vera staðsett í Vestmannaeyjum.