Lögreglumaður kærir líkamsárás

Lögreglumaður sem fimm pörupiltar réðust á síðustu helgi hefur lagt fram kæru vegna málsins. Vinur lögreglumannsins sem einnig var ráðist á meiddist alvarlega og var fluttur á spítala. Faðir hans, sem ekki vildi koma fram undir nafni, sagði í samtali við NFS að honum þætti ofbeldi færast sífellt í vöxt í Keflavík. Ofbeldisklíkan sem réðst á son hans væri vel þekkt í bænum og oft veigruðu menn sér að kæra vegna ótta við hefndaraðgerðir.

Að sögn Jóhannesar Jenssonar, aðstoðaryfirlögregluþjóns hjá lögreglunni í Keflavík, er ekki litið á árásina gegn lögreglumanninum sem brot gegn valdstjórninni þar sem lögreglumaðurinn hafi ekki verið á vakt heldur á gangi úti sem almennur borgari. Lögreglumaðurinn hafi þó sýnt fordæmi og lagt fram kæru. Drengirnir fimm sem réðust á lögreglumanninn og vin hans hefur verið sleppt úr haldi.