Ellefu Íslendingar sæmdir fálkaorðunni

Ellefu Íslendingar voru sæmdir heiðursorðu hinnar íslensku fálkaorðu við hátíðlega athöfn á Bessastöðum í dag, sex karlar og fimm konur. Þar á meðal voru Guðrún Jónsdóttir, talskona Stígamóta, fyrir störf að velferð og réttindum kvenna, Hjálmar Jónsson dómkirkjuprestur fyrir störf í þágu kirkju og samfélags, Margrét Pála Ólafsdóttir, framkvæmdastjóri Hjallastefnunnar svokölluðu, fyrir frumkvæði í menntamálum.

Þeir sem sæmdir voru fálkaorðunni í dag eru annars eftirtaldir:

1. Anh-Dao Tran, kennslufræðingur og verkefnisstjóri, Kópavogi, riddarakross, fyrir störf í þágu nýrra Íslendinga og íslensks fjölmenningarsamfélags

2. Guðrún Jónsdóttir, talskona Stígamóta, Reykjavík, riddarakross, fyrir störf að velferð og réttindum kvenna

3. Gunnar Kvaran, prófessor og sellóleikari, Seltjarnarnesi, riddarakross, fyrir framlag til íslenskrar tónlistar

4. Hjálmar Jónsson, dómkirkjuprestur, Reykjavík, riddarakross, fyrir störf í þágu kirkju og samfélags

5. Jóhannes Bergsveinsson, fv. yfirlæknir, Reykjavík, riddarakross, fyrir störf í þágu áfengis- og vímuefnasjúklinga

6. Margrét Hallgrímsdóttir, þjóðminjavörður, Reykjavík, riddarakross, fyrir störf að vörslu og kynningu íslenskra þjóðminja

7. Margrét Pála Ólafsdóttir, skólastjóri og framkvæmdastjóri Hjallastefnunnar, Hafnarfirði, riddarakross fyrir frumkvæði í menntamálum

8. Ólafur Ragnarsson, útgefandi, Reykjavík, riddarakross, fyrir framlag til íslenskrar bókaútgáfu

9. Sigurður Sigurðarson, dýralæknir, Reykjavík, riddarakross, fyrir störf í þágu dýralækninga og sjúkdómavarna

10. Vilhjálmur Einarsson, Ólympíumethafi og fv. skólameistari, Egilsstöðum, riddarakross, fyrir framlag í þágu íþrótta og uppeldis

11. Þórhildur Þorleifsdóttir, leikstjóri, Reykjavík, riddarakross, fyrir störf í þágu menningar og leiklista